சாதனைக்கு ஊனம் தடையல்ல: ஆங்கில கால்வாயை நீந்திய கை- கால்கள் இல்லாத வாலிபர்

பிரான்ஸ் நாட்டில் உள்ள விஸ்சன்ட் நகரை சேர்ந்தவர் பிலிப் குரோய்ஷன் (42) கடந்த 1994-ம் ஆண்டு நடந்த மின் தாக்குதலில் இவர் தனது 2 கைகள் மற்றும் 2 கால்களை இழந்துவிட்டார். இருந்தும் வாழ்க்கையில் ஏதேனும் சாதனை படைக்க வேண்டும் என நினைத்தார். பொதுவாக அவருக்கு நீச்சல் மிகவும் பிடிக்கும். எனவே, தனது சாதனைக்கு நீச்சலை தேர்ந்தெடுத்தார். இங்கிலாந்து அருகேயுள்ள ஆங்கில கால்வாயை நீந்தி கடக்க முடிவு செய்தார். அதற்கான பயிற்சியில் ஈடுபட்டிருந்தார். இந்த நிலையில் நேற்று முன்தினம் அதற்கான நடவடிக்கையில் இறங்கினார். அவர் 13?மணி நேரத்தில் ஆங்கில கால்வாயை நீந்தி கடந்து சாதனை படைத் தார். 24 மணி நேரத்தில் கடக்க இலக்கு நிர்ணயிக்கப்பட்டிருந்தது. ஆனால், அவர் 10? மணி நேரத்துக்கு முன்பே நீந்தி முடித்தார். ஆங்கில கால்வாயை அவர் நீள் வட்ட வாக்கில் 21 மைல் நிளம் நீந்தி கடந் துள்ளார். இதன்மூலம் தனது சாதனைக்கு ஊனம் ஒரு தடையல்ல என்பதை அவர் நிரூபித்துள்ளார்.