ஹிட்லரின் மூதாதையர்கள் யூதர்கள் மற்றும் ஆப்ரிக்கர்கள்

நாசி இனத் தலைவர் அட்லாப் ஹிட்லரின் மூதாதையர்கள் யூதர்கள் மற்றும் ஆப்ரிக்கர்களாக இருந்திருக்கலாம் என மரபணு சோதனை மூலம் தெரியவந்துள்ளதாக லண்டன் நாளிதழ் ஒன்று செய்தி வெளியிட்டுள்ளது. ஹிட்லரின் உறவினர் அலெக்ஸாண்டர் ஸ்டர்ட் ஹஸ்டன் என்பவர் தற்போது நியூயார்க்கில் வசித்து வருகிறார். அவரிடமிருந்து பெறப்பட்ட மரபணு மற்றும் ஆஸ்ட்ரேலியாவில் வசித்து வரும் ஹிட்லரின் ஒன்றுவிட்ட சகோதரர் நார்பர்ட் ஆகியோரிடமிருந்து பெறப்பட்ட மரபணு ஆகியவை ஆய்வுக்கு உட்படுத்தப்பட்டது. அதில் ஹிட்லர் உறவினர்களிடமிருந்து எடுக்கப்பட்ட மரபணு மாதிரியுடன், யூத மற்றும் வட ஆப்ரிக்கர்களைச் சேர்ந்தவர்களுடைய மரபணு மாதிரி ஒத்துப்போவது தெரியவந்ததாக அந்த செய்தியில் மேலும் கூறப்பட்டுள்ளது.