அடுத்த வருடம் இளவரசர் வில்லியம் - கேட் திருமணம்

  இங்கிலாந்து இளவரசர் சார்ள்ஸ் - டயானா தம்பதியின் மூத்த மகன் வில்லியம் அடுத்த வருடம் திருமணம் முடிப்பார் என அந்நாட்டு அரச வட்டாரங்கள் தெரிவிக்கின்றன. 

இவர் கேட் மிடில்டன் என்ற பெண்ணை நீண்டகாலமாகக் காதலித்து வருகிறார். 

இதைத்தொடர்ந்து வில்லியம்-கேட் இருவரினதும் திருமணத்தை அடுத்த ஆண்டு ஆகஸ்ட் 2 ஆவது வார இறுதியில் நடத்த அரச குடும்பத்தினர் திட்டமிட்டுள்ளனர்.

இவர்களது திருமணம் வெஸ்ட் மினிஸ்டர் அப்பே என்ற இடத்தில் நடத்தப்படும் என அறிவிக்கப்பட்டுள்ளது. 

இங்குதான் மறைந்த இளவரசி டயானாவின் இறுதிச் சடங்கு கடந்த 1997ஆம் ஆண்டு நடைபெற்றமை குறிப்பிடத்தக்கது. 

எலிசபெத் மகாராணியின் வைரவிழாவும், லண்டன் ஒலிம்பிக் போட்டியும் எதிர்வரும் 2012ஆம் ஆண்டு நடைபெற உள்ளன. அதற்கு முன்னர் இவர்களது திருமணத்தை நடத்த அரச குடும்பத்தினர் முடிவு செய்துள்ளதாகத் தெரிவிக்கப்படுகிறது. _